Home
Poetry SMS - (Love, Sad, Broken Heart, Romantic) Poetry SMS - Page 2
Page Number 2 New & Fresh Poetry SMS, Urdu / Hindi Poetry SMS, English Poetry SMS, Love & Romantic Poetry SMS, Sad & Broken Heart Poetry SMS, Poetry SMS Collection

Masoom Mohabbat ka bas itna Fasana hay,
Kaghaz ki Hawaili hay aur Baarish ka Zamana hay...
Kya shart-e-mohabbat hay, kya shart-e-zamana hay,
Awaz bhi Zakhmi hay aur Geet bhi gaana hay...
Us paar utarnay ki Umeed bohat kam hay,
Kashti bhi Puraani hay aur Toofan ko bhi aana hay...
Samjhay ya na samjhay wo Andaaz Mohabbat kay,
Aik shakhs ko Aankhon say Shair sunana hay...
Bholi si Adaa koi phir 'Ishq' ki, zidd par hay,
Phir 'Aag ka Darya' hay aur &aposoob' kay jana hay...!!!

Main tumharay aks ki aarzoo mein bass aayina hi bani rahi
Kabhi tum na samnay aa sakay, kabhi mujh pay gard pari rahi
Woh ajeeb shaam thi,aaj tak meray dil mein uss ka malal hai
Meri tarah jo teri muntazir, teray rastay mein khari rahi
Kabhi waqf-e-hijr main ho gaei,kabhi khwab-e-wasl mein kho gaei
Main faqeer-e-ishq bani rahi, main aseer-e-yaad huwi rahi
Bari khamshi say sarak kay phir meray dil kay gird lipat gaei
Woh rida-e-abr-e-sfed jo sar-e-kohsar tani rahi
Huwi uss say jabb meri baat bhi,thi shareek-e-dard woh zaat bhi
To na janay kon si cheez ki meri zindgi mein kami rahi

Yeh Fakhar Toh Haasil hay , Buray hayn k Bhalay hayn
Do Chaar Qadam Hum bhi Teray Saath chalay hayn
Jalna toh Chiraghon ka Muqaddar hay Azal se
Yeh Dil k Kanwal hayn k Bujhay hayn na Jalay hayn
Thay kitnay Sitaray k Sirr e Shaam hi Doobay
Hungaam e Sehar Kitnay hi Khursheed Dhalay hayn
Jo Jhayl Gaye Hans k karri Dhoop k Tewar
Taaron ki Khunak Chaon mayn Woh Log Jalay hayn
Ek Shama Bujhayee Toh Kayee Aur Jala Leen
Hum Gardish e doraan se bari Chaal Chalay hayn
(Adaa Jaffery)

jis tarah ki hain yeh devarain yeh dar jaisa bhi hai
sar chupanay ko muyassar toh hai ghar jaisa bhi hai
usko mujhse mujhko uss se nisbatain hain beshumaar
meri chaahat ka hai mehavar yeh nagar jaisa bhi hai
chal para hun shauq-e-beparvaah ko murshad maan kar
raastaa pur_pech hai yan pur_Khatar jaisa bhi hai

Raaz -e- Ulfat Chupa Kay Dekh Liya
Dil Bohat Kuch Jala Kay Dekh Liya
Or Kia Dekhnay Ko Baaki Hay
Aap Say DIL Laga Kay Dekh Liya
Wo Mera Ho Kay Bhi Mera Na Howa
Un Ko Apna Bana Kay Dekh Liya
Aaj Un Ki Nazar Main Kuch Ham Nay
Sab Ki Nazray Bacha Kay Dekh Liya
Faiz Taqmeel -e- Ghum Bhi Ho Na Saki
Ishq Ko Aazma Kay Dekh Liya
Aas Us Dar Say Tootti Hi Nahi
Jaa Kay Dekha Na Jaa Kay Dekh Liya

Iss baar kuch aisa mein chahta hoon
Tum ko apna banaana chahta hoon
Bhula kar apne sab gham
Tumhe dilse apnana chahta hoon
Tumhe tumhari ijazaat se
Apne dil mein basana chahta hoon
Apne naam k saath joar kar tumhara naam
Duniya ko sar-e-aam dikhana chahta hoon
Kab ho Qubooliyat ki ghari na jaane
Tumhe har dua mein mangna chahta hoon
Ho jaao tum meri aur main tumhara
Harr pal bas yehi ehsaas chahta hoon
Tum se hi ki bass mohabbat main ne
Apni sari zindagi tumhare sang chahta hoon
Karta hoon aaj main ye iqraar
Main bass tumhe bass tumhe hi chahta hoon
Haq ke saath kahoon tumhe main apna
Tumse bass aaj main yehi raza chahta hoon

Muhabbat Rooth Jaye to
Usay Baanhon Main Lay Lena.
Bohat He Paas kar k Tum
Usay Jany Nahi Dena.
Woh Daman Bhi Churaye To
Usay Tum Qasam De Dena.
Dilon k Maamlon Main to
Khataaen ho He Jati Hain.
Magar Tum in Khataaon ko
Bahana Mat Bana Lena.
Muhabbat Rooth Jaye to
Usay Jaldi Mana Lena.

Ankhein bhi wohi hain dareecha bhi wohi hai
aur soch ke aangan mai utarta bhi wohi hai,
Jis nay mere jazbon ki sadaaqat ko naa jana
ab meri rafaaqat ko tarasta bhi wohi hai,
Is dil ke kharabe se guzar kis ka hua hai
ankhein bhi wohi hont bhi wohi lehja bhi wohi hai,
Jo kuch bhi kaha tha meri tanhai ne tujh sey
is sheher ki deewar per likha bhi wohi hai,
Woh jis nay diye mujh ko mohabbat ke khazaane
baadal ki taraha aankh se barasta bhi wohi hai

Wo Kehti Hai, Suno Jaana!!.. Mohabbat Maum Ka Ghar Hai
Tapish Ye Bad-Ghumani Ki Kahin Pighla Na De Iss ko..,
Main Kehta Hoon, Key Jis Dil Mein Zara Bhi Bad-Ghumani Ho
Wahan Kuch Aur Ho To Ho Mohabbat Ho Nahi Sakti...
Wo Kehti Hai, Sada Aise Hi Kiya Tum Mujh Ko Chaho ge..??
Key Main Iss Mein Kami Bilkul Gawara Kar Nahi Sakti..,
Main Kehta Hoon, Mohabbat Kiya Hai Ye Tumne Sikhaya Hai
Mujhe Tumse Mohabbat Key Siwa Kuch Bhi Nahi Aata...
Wo Kehti Hai, Judai Se Buhat Darta Hai DiL Mera
Key Tum Ko Khud Se Hatt Kar Daikhna Mumkin Nahi Hai Ab..,
Main Kehta Hoon, Yehi khadshey Buhat Mujh Ko Satatey Hain
Magar Sach Hai Mohabbat Mein Judai Sath Chalti Hai...
Wo Kehti Hai, Batao Kiya Mere Bin Jee Sakogey Tum..??
Meri Baatein Meri Yaadein, Meri Aankhein Bhula Do Gey..??
Main Kehta Hoon, Kabhi Iss Baat Per Socha Nahi Maine
Agar Ik Pal Ko Bhi Sochon To Sansein Rukne Lagti Hain...
Wo Kehti Hai, Tumhe Mujh Se Mohabbat Iss Qadar Kyun Hai..??
Key Main Ik Aam Si Larki, Tumhe Kyun Khas Lagti Hoon..??
Main Kehta Hoon, Kabhi Khud Ko Meri Aankhon Se Tum Dekho
Meri Deewangi Kyun Hai Ye Khud Hi Jaan Jaao Gey...
Wo Kehti Hai, Mujhe Waraftagee Se Dekhte Kyun Ho..??
Key Main Khud Ko Buhat Hi Qeemati Mehsoos Karti Hoon..,
Main Kehta Hoon, Mata-E-Jaan Buhat Anmol Hoti Hai
Tumhe Jab Dekhta Hoon Zindagi Mehsoos Karta Hoon...
Wo Kehti Hai, Batao Na!! Kise Khone Se Darte Ho..??
Batao Kaun Hai Wo Jis Ko Ye Mausam Bulate Hain..??
Main Kehta Hoon, Ye Meri Shayari Hai Aaina DiL Ka
Zara Dekho Batao.. Kiya Tumhe Iss Mein Nazar Aaya...??
Wo Kehti Hai Key, Jee Buhat Baatein Banatey Ho
Magar Sach Hai Key Ye Baatein Buhat Hi Shaad Rakhti Hain..,
Main Kehta Hoon, Ye Sab Baatein, Fasane, Ik Bahana Hain
Key Pal Kuch Zindagani Key Tumhare Sath Katt Jayein...

Mere Wajood Ki Mujh Mein Talash Chor Gaya
Jo Pori Na Ho Kabhi Aisi Aaas Chor Gaya
Yehi Karam Nawazi US Ki Mujh Pe Kam Hai Kia
Ka Khud To Door Hai Yadein To Pas Chor Gaya
Jo Khawhishen Thi Kabhi Hasraton Mein Dhal Gayi Ab
Mere Laboon Pe Wo Eik Lafz Kash Chor Gaya
Ye Mera Zarf Hai Ik Roz US Ne Mujh Se Kaha
Ka Aam Logon Mein Eik Tujh Ko Khas Chor Gaya
Baharon Se Mujhy Isi Liye To Nafrat Hai
Inhi Ruton Mein Mujhe WO Udass Chor Gaya